Во името на Македонската Асоцијација за Реконструктивна Микрохирургија (МАРМ)
Добредојде од:
- Доц. д-р Софија Пејкова, Претседател
- Ас. д-р Гордана Георгиева, Генерален Секретар
- Ас. д-р Стефанија Азманова Младеновска, Благајник
- Ас. д-р Благоја Србов, Потпретседател
- Д-р Софија Тушева, Потпретседател
Нашиот тим е целосно посветен на развој на современи микрохируршки методи, поддршка на иновациите и создавање нови можности за професионалците. Особено ја истакнуваме важноста на интернационалната соработка со водечките медицински центри во светот, како клучна компонента за напредок, размена на искуства и воведување на најновите технологии во Република Северна Македонија.
Заедно ја градиме иднината на реконструктивната микрохирургија!
Интернационална Соработка
Соработка со цел размена на искуства, податоци и иновативни техники
- Партнерства со реномирани институции и универзитети од странство, со цел размена на искуства, податоци и иновативни техники.
- Потпишување меморандуми за соработка за заеднички истражувачки проекти, размена на кадар и организирање интернационални конгреси.
- Поканување врвни светски стручњаци за одржување гостински предавања, интерактивни лекции и работилници во Македонија.
- Овозможување на македонските хирурзи и специјализанти да гостуваат во водечки светски центри, каде што ќе можат директно да учат од најдобрите во професијата.
- Активно учество на членовите на МАКЕДОНСКАТА АСОЦИЈАЦИЈА ЗА РЕКОНСТРУКТИВНА МИКРОХИРУРГИЈА на европски и светски конгреси и конференции, каде што ќе ја претставуваат домашната практика и иновации.
- Партнерство и организација на регионални и интернационални научни средби во Македонија, за унапредување на знаењето и градење блиски односи меѓу стручните заедници.
- Тимови од различни земји да работат заедно на спроведување клинички студии и анализи на резултати, со цел да се објават заеднички трудови во стручни списанија со висок импакт фактор.
- Креирање база на знаење (knowledge base) со меѓународни партнери, каде што хирурзите ќе можат да пристапуваат до најновите научни согледувања и клинички искуства.
Можност за членување на сите заинтересирани медицински професионалци, специјализанти и студенти, кои сакаат да придонесат и да се усовршуваат во областа на реконструктивната микрохирургија